(OBS. kun på grønlandsk)

Naja aanaannguanilu kammagiinnerpaapput, ullullu tamaasa Najap aanaani pulaartarpaa aanaallu assai uninneq ajoramik sammisassaqartuarput. Assassorujoornerminni aanaa oqaluasaarujoortarpoq siulini misiginikuusanilu pillugit, Najallu tusarnaassallugu nuannarisaqaa. Ullulli ilaanni Najap aanaani oqaluttuarfigaa nammineq misigisimasaminik.

Karline Nathansenimit oqaluttualiaq ileqqutsinneersup oqaluasaariaatsip kinguaanut ingerlaqqittarneranik oqariartuutilik, Pernille Kreutzmann-Larsenimit piviusorpalaartumiit takorluuerpalaartumut kusanarluinnaqqissaartunik assiliartalersugaq.